LAOAG CITY – Inpakaammo ni Police Capt. Joseph Tayaban ti pannakaimbestigar ti maysa a tao a maibilang a person of interest ti pannakapalto-paltog ni Sherwin Dumadag a poon ti nakatayanna.
Kuna na a nakalugan ti maseknan iti mio motorcycle ken nasada isuna iti checkpoint iti ili ti Badoc bayat nga agturong iti ili ti Sinait, Ilocos Sur kalpasan a nai-flash alarm ti insidente.
Daytoy ket gapu ta maipagarup a nakalugan ti mio motorcycle dagiti saan pay a nabigbig a suspek a nangpapatay kenni Dumadag.
Segun kenni Tayaban, dagus a naipan iti kuerpo ti pulisya ti maibilang a person of interest ken nagbuluntaryo a sumurot kadagiti otoridad.
Inbatad na a naggapu iti siudad ti Batac ti person of interest gapu ta agtrabtrabaho daytoy ken residente iti ili ti Sinait.
Saan a nalawag no agpada ti pakabigbigan ti motorsiklo a nagluganan dagiti saan pay a nabigbig a suspek ken ti mio motorcycle a nagluganan ti person of interest.
Innayon ni Tayaban a maidalan iti parafin examination ti person of interest.
Kabayatanna, awan ti anyaman a rekord ti biktima iti PNP Badoc.
Lima a taga Ilocos Norte nga aggapo iti ballasiw taaw, naistranded iti border iti ili ti Badoc
