LAOAG CITY – Ado dagiti programa nga indasar ni British ambassador to the Philippines Daniel Pruce iti panagtaripnong da ken ni Gobernador Matthew Marcos-Manotoc.
Karaman a nagsaritaan da Prunce ken Manotoc ket dagiti maipaay nga scholarship programs para iti Mariano Marcos State University (MMSU) kas iti Chevening Scholarship, Transnational Education a maimbitaran dagiti pilipino a mapan agadal idiay United Kingdom (UK) tapno ad-adda pay a mapalawa ti ammo dagiti maseknan nga estudyante.
Malaksid iti daytoy, adda pay ti Newton Agham Program research para iti pannakapadur-as ti energy security, environment, agriculture, salun-at ken pannakapapintas ti ayos ti danum ti karayan.
Mamati ni Bristish Ambassador Pruce nga agbalin a natibker ti relasyon ti Ilocos Norte ken United kingdom gapo kadagiti nasao a programa.
Daytoy ti kaunaan a gundaway nga immay bimmisita ditoy probinsya ti British Ambassador.
