LAOAG CITY – Nagdesision ti United Kingdom a mangipatulod ti ginasot a short-range missiles idiay Ukraine.
Naisayangkat ti rakurak sakbay ti summit a pinaayaban ni Ukrainian Pres. Volodymyr Zelensky no sadinno a planoda a rauten ti Russia.
Basar iti United Kingdom Defence Secretary John Healey, karaman iti military package nga ipaayda iti Ukraine ket ti 650 lightweight Multirole Missiles.
Naammoan nga iti nasao a military package ket mapapigsa ti Ukraine ti air defense-da ken maipakita ti naidumduma a kabaelanda.
Maipalagip a namin-adu a daras a nagpawagan ni Zelensky kadagiti kaalyadona a pagilian a no mabalbalin ket ipaayan isuda ti military weapons.
Immunan nga inkari ni United Kingdom Prime Minister Sir Keir Starmer a saanda nga agsardeng a mangipaay ti military support iti Ukraine.
