LAOAG CITY – Napan bimmisita ni United Kingdom Andy Burnham iti Kyiv tapno patalgeden ti naan-anay a suporta na iti Ukraine ken bigbigen ti aldaw a panagwaywayas ti nadakamat a pagilian.
Idaulwan ti Prime Minister ti kaunaan a taripnong iti “coalition of the willing”, nga inkeddeng ti United Kingdom ken ti France iti babaen ti predecessor na a ni dati a Prime Minister Sir Keir Starmer.
Naikeddeng pay nga awaten ni Burnham ti pammadayaw iti nagan dagiti umili idiay Britanya kas pammigbig iti United Kingdom para iti suporta na iti Ukraine.
Sakbay ti ibibisita ni Burnham iti Kyiv, inrakurak na nga iti maika-35 nga anibersaryo ti Ukraine ket awan ti rumbeng a panagdudua dagiti tattao iti nadakamat a pagilian gapu ta adda laeng ti United Kingdom a mangsupsuporta kadakuada.
