LAOAG CITY – Dinayaw ni United Kingdom Prime Minister Andy Burnham ti katulagan iti nagbaetan ti Denmark ken Estados Unidos tapno mapatibker ti seguridad iti Arctic, kalpasan a nasolbaren ti sumagmamano a bolan a susik gapu iti Greenland.
Agpada a dinayaw ti UK prime minister ken ni Danish counterpart Mette Frederiksen ti commitment ti Estados Unidos iti rehiyon.
Immunan nga inrakurak ti North Atlantic Treaty Organization (NATO) a ti katulagan ket makatulong a mang-stabilize iti rehiyon kalpasan nga indeklarar ni President Donald Trump a pinatgan ti Denmark a ti Amerika ti mangipaay ti permanente a seguridad ken amin a kasapulan ti semi-autonomous Danish territory iti Arctic.
Komento daytoy ni Burnham sakbay ti manamnama a panagkita da ken ni Trump iti kaunaan a gundaway iti UN General Assembly (UNGA) iti New York ita a lawas.
Nupay kasta, inawagan ni Liberal Democrat leader Ed Davey a panaginkukuna a balligi ni Trump daytoy gapu ta arigna carbon copy laeng ti agdama a katulagan.
