LAOAG CITY – Inpetteng ni United Kingdom Prime Minister Sir Keir Starmer a ti iraraot ti Russia iti energy sector ti Ukraine di rabii ti lunes kagiddan ti panagbagsak ti temperatura iti -20C ket maibilang kas “barbaric” ken “particularly depraved”.
Rakurak daytoy ni Starmer kalpasan ti panagsarita da ken ni US President Donald Trump sumagmamano nga oras kalpasan a pinuntirya ti Russia ti power plants ken critical infrastructure iti ciudad ti Kyiv, ken dadduma pay a lugar iti Ukraine.
Napasamak ti panagatake ti Russia kalpasan a nagpatinggan ti panawen a kiniddaw ni Trump ken ni Russian President Vladimir Putin nga obserbaren ti nakaro a kinalamiis ti panawen idiay Ukraine.
Inpakaammo ni Trump a tinungpal ni Putin ti sarita na ken kalikagom na nga agpatinggan ti gubat.
