LAOAG CITY – Agtultuloy ti panawagan ti Ukraine kadagiti kaalyado a pagilian daytoy nga ad-adda pay nga ipangato ti pressure kontra iti Russia.
Daytoy ket kalpasan a maipagarup a nagusar ti Russia ti Oreshnik missile iti western Ukraine.
Ibilang ti Ukraine a ti nasao nga armas nga inusar ti Russia ket maysa a dakkel a pangta iti seguridad idiay Europa.
Immunan nga inadmitir ti Ministry of Defense ti Russia a nagusarda ti intermediate-range ballistic missiles kagiddan dagiti ginasgasut a missile.
Naammoan a ti nasao nga strike ket nangitunda iti pannakatay ti uppat nga indibidual idinto a 22 a dadduma pay ti nasugatan.
