LAOAG CITY – Nangitunda ti dakkel nga uram ti inwayat a drone attack ti Ukraine iti oil depot iti Sochi City idiay Russia.
Inbatad ni Sochi regional Governor Veniamin Kondratyev a sumurok 120 a bumbero ti nagtitinnulong tapno masebseban ti nasao nga uram.
Bimtak ti fuel tank nga adda ti kargana a dumanon iti 2,000 cubic meters a gasolina.
Napabagsak ti Russian defense forces ti agarup 93 a drones ti Ukraine pakairamanan ti maysa kadagiti Krasnodar region ken 60 met iti kabaybayan ti Black Sea.
