LAOAG CITY – Ipagpannakkel ti Ukraine ti naballigi a drone attack-da iti ammunition depot iti makindaya a rehion ti Russia a Tver.
Segun iti Security Service ti Ukraine pinuntiriada ti bodega iti siudad ti Toropets no sdinno nga ipatpataray daytoy ti Russian defense ministry.
Mainaig iti daytoy, ti nadakamat a bodega ket maipagarup a paglemlemmengan ti Russia iti Iskander tactical missile system, Tochika-U tactical missile system, guided aerial bombs ken artillery ammunition-da.
Gapu iti daytoy, nangitunda ti nadakamat a drone attack ti nakaro nga uram isu a nagbakuit ti sumagmamano nga umili iti asideg ti bodega a nauram.
Narikna met ti ginggined iti nasao a lugar kalpasan ti napigsa a panagbettak.
Kabayatanna, depensa ti Ukrainian security forces a ti panggep ti nadakamat a panangraut ket tapno mapabassit ti missile capability ti Russia.
