LAOAG CITY – Mangiyuswat ti panagtaripnong ti Russia ken Ukraine inton sumaruno a lawas.
Maangay ti taripnong idiay Saudi Arabia no sadinno a karaman pay ti pannakabagi ti Estados Unidos.
Ti nasao a taripnong ket kagiddan ti panangilungalong ti Estados Unidos ti ceasefire tapno naan-anayen a malpas ti sumurok tallo a tawenen a gubat ti dua a pagilian.
Immuna iti daytoy, tinawagan ni United States President Donald Trump da Russian President Vladimir Putin ken Ukrainian President Volodymyr Zelensky.
Naammoan nga adda dagiti sumagmamano a banag nga adda iti katulagan nga agtultuloy nga iyur-urnos ti Estados Unidos tapno naan-anay a maallukoy ti dua a pagilian nga agtungpal.
Maipalagip nga idi 2022 idi nangrugi a nangiparuk-at ti airstrike ti Russia idiay Ukraine no sadinno a sinakupda dagiti sumagmamano a paset iti nasao a pagilian.
