LAOAG CITY – Nangirubuat ti drone atacks ti Ukraine iti walo a rehion ti Russia no sadino tinarget daytoy ti fuel depot ken power substations.
Kinumpirmaran met ti Russian Defense Ministry a rimmaut ti Ukraine a nagbalin a resulta ti pannakadadael ti saan a bumaba iti tallo a power substations ken fuel storage facility.
Segun ken ni Smolensk regional governor Vasiliy Anokhin, rinaut ti Ukraine ti fuel ken energy facility iti Kardymovsky district ngem maipagarup a nalappedan met laeng daytoy ti air defense ti Russia.
Inpakaammo ti governor ti southwestern region ti Bryansk a ni Aleksandr Bogomaz nga adda ti napasamak nga uram iti maysa nga energy infrastructure facility kalpasan ti panangdadaelda iti Ukrainian UAV.
Saan met a nagpaudi ti Russia gapu ta rinautda met ti Ukraine ti pito a missiles kas maibasar iti opisial ti Ukrainian air force.
Basar iti damag ni Gov. Oleh Kiper ti Odesa Region, nangitunda daytoy ti pannakadadael ti sumagmamano nga imprastraktura iti lugar.
