LAOAG CITY – Inpakaammo ti Ukraine a kontrolado dan ti 100 a Russian settlements ken 1,294 square kilometres ti Russian territory.
Ti iraraot ti Ukraine iti Kursk region ket nangrugi addan tallo a lawas.
Maipalagip nga iti napalabas a lawas ket kinumpirmaran ni President Volodymyr Zelensky a kontroladon ti Ukraine ti nasurok a 1,250 sq km ti Russian territory.
Inbatad pay ti commander in chief Oleksandr Syrskyi nga umaboten iti 594 a soldado ti Russia ti nakemmeg ti Ukraine.
Kabayatanna, inrakurak ni Zelensky a mangipresentar ti plano iti Estados Unidos no kasanu nga ileppas ti Ukraine ti gubat iti nagbaetan da ti Russia.
