LAOAG CITY – Agtultuloy ti panagatake ti Ukraine iti teritoryo ti Russia.
Daytoy ti inrakurak ni President Volodymyr Zelensky bayat ti panagwaras ti Ukrainian troops iti nagduduma a direksyon iti Kursk region.
Inpakaammo ti Kyiv commander-in-chief a nasuruken a 100 a Russian soldiers ti nakemmeg dagiti tropa ti Ukraine iti nasao a rehiyon.
Immunan a kinumpirmaran ni President Zelensky a kontroladon iti agdama ti Ukrainian forces ti 74 a Russian settlements iti Kursk region kas resulta ti inpatungpal da a cross-border operation.
Kabayatanna, naideklarar ti state of emergency iti Belgorod, ti maikadwa a kadakkelan a rehiyon iti Russia kalpasan nga adon dagiti balay a nadadael gapu iti drone attack nga ipatpatungpal ti Ukraine.
