LAOAG CITY – Nangiwayat ti panagtitipon dagiti Ukrainians tapno lagipen dagiti natay a suldado ken kailianda iti maikapat a tawen a panangatake ti Russia.
Napunno dagiti bandera ti Ukraine ti Maidan square iti Kyiv sakbay nga inyuswatda ti moment of silence.
Nangisagut met dagiti residente ti Bucha kadagiti sabsabong iti tanem dagiti suldado a pimmusay iti pannakirinnupakda iti Russia.
Inbatad ni Ukrainian President Volodymyr Zelensky a saanda a naabak iti gubat ken inlabanda ti panagwaywayas iti pagilianda.
Agtultuloy ti pannakisarsaritana kadagiti kaalyado a pagilian tapno mangipaay ti suportada kontra Russia.
