LAOAG CITY – Naglikudan ti Ukraine ti alegasyon a nagsuplay da ti drones kadagiti rebelde a lumablaban kontra iti Malian army ken ti Russia-backed mercenaries.
Reaksyon daytoy ti Ukraine kalpasan nga adda ti naiparuk-at a report manipod iti maysa nga international media outlet nga adda dagiti naipaay nga Ukrainian drones kadagiti Tuareg rebels.
Maipalagip a ti Mali ken ti kaparanget na a Niger ken Burkina Faso ket ak-akusaran na ti Kyiv a mangsupsuporta ti terorismo iti Sahel kalpasan nga inrakurak ti maysa nga opisyal ti Ukraine iti nasapa a paset ita a tawen a ti pagilian ket nangidiaya ti suporta kadagiti rebelde.
Naglikudan pay ti Ukraine ti alegasyon ti Malian ke Nigerien officials a mangipapaay da ti armas, impormasyon ken suporta kadagiti terorista.
