LAOAG CITY – Indagadag dagiti otoridad kadagiti sibilyan iti uneg ken aglawlaw ti makindaya a paset ti Pokrovsk, Ukraine nga agbakwitda a dagus gapu iti agtultuloy a panangraut ti puersa ti Russia, idinto nga inadmitir ti Moscow a naparmekna ti gandat a panangraut ti Ukraine iti beddeng a Bryansk Region.
Segun iti Ukraine officials, addaan da laeng ti dua a lawas bayat tapnon agbakwit iti nasao a lugar.
Kuna ti mangidadaulo ti military administration iti ili ti Myrnohrad a ni Yurii Tretiak, saanda nga ipalubos a kumaru pay ti tension sakbay da nga agkuti a pumanaw
Naamuan nga umabot iti 59,000 nga agnanaed iti intero a komunidad ti Pokrovsk City ti manamnam nga agbakwit no sadinno nga agarup 600 agingga iti 700 a tattao ti inaldaw nga agbakwit.
Kabayatanna, usaren dagiti tropa ti Ukraine ti kalsada nga agturong iti beddeng tapno mangsuplay kadagiti kadagiti front lines ken mangibakwit kadagiti nasugatan nga agturong idiay Dnipro.
