LAOAG CITY – Makipagkita ni Ukrainian President Volodymyr Zelensky kada United States President Joe Biden ken Vice President Kamala Harris inton sumaruno a lawas, ken ni dati a United States President Donald Trump bayat ti isasarungkarna iti Estados Unidos tapno mangipakita ti suporta sakbay ti presidential election inton Nobiembre.
Pagsaritaan ni Zelenskyy ti amin nga aspeto ti politika iti mabalin a maudi a panagbisitana sakbay ti eleksion a mabalin a mangapektar iti polisia ti Washington a mangsuporta iti Ukraine kontra iti Russia’s invasion.
Segun iti White House, agsina ti pannakisarita ni Zelensky kada Presidente Biden ken Vice President Harris a Democratic nominee kontra ken ni Republican former president Trump.
Kinuna ni Zelenskyy a panggepna nga idatag ti “victory plan” kadagiti lider ti Estados Unidos tapno agpatingga ti gubat iti Russia.
Inpakaammo pay ni Zelensky ti panggepna a mangsangaili iti sabali pay nga iinternational peace summit a mangidatag iti sirmatana para iti panagpatingga ti gubat inton Nobiembre, a manamnama a maawis ti Russia.
Maipalagip a nasurok 30 a bulanen a mapaspasamak ti gubat ti Russia ken Ukraine.
