LAOAG CITY – Rinugianen ti Ukraine ti panangipatulod kadagiti drone experts daytoy iti sumagmamano a pagilian iti Middle East tapno labanan ti drones ti Iran.
Inbatad ni Ukrainian President Volodymyr Zelensky nga adda ti lima a pagilian iti Middle East ti nagkiddaw ti tulong kadakuada.
Malaksid pay ditoy ti kiddaw ti Amerika ken Europa ti nayon a suporta.
Ad-adalen ti Ukraine no kabaelanda nga isubli ti seguridad iti Strait of Hormuz no sadinno nga isu ti taget ti Iran dagiti dumaldalyasat a barko.
Naammoan a maibilang ti Ukraine a kangrunaan nga agar-aramid ti cutting-edge, battle-tested drone interceptors a nalaka ken epektibo pay.
Daytoy ti us-usaren ti Ukraine iti inwayat a panangatake ti Russia iti pagilianda iti agarup sumurok uppat a tawen.
Innayon pay ni Zelensky nga inadalda ti tunggal tignay ti Shahed drones nga inpanpannakkel ti Iran.
