LAOAG CITY – Sinaganaan ti Ukraine ti pinaigetan a panangraut ti Russia.
Segun ken ni Ukrainian President Volodymyr Zelensky a ti panangraut iti border-da ti Russia ket tapno dadaelen ti defense line dagitoy.
Adda dagiti sumagmamano a suldado ti Russia a maipagarup a naggandat a rumaut iti Kharkiv region ngem naunaanda dagiti suldado ti Ukraine.
Pinabakwitdan dagiti residente ti Vovchansk district kas panagsagsagana iti panangraut ti Russia.
Ti nasao a panangraut ket sumagmamano nga aldaw kalpasan ti rakurak ti Estados Unidos nga adda ti baro a $400-milyon a military aide package iti Ukraine.
