LAOAG CITY – Nakasangpeten idiay Saudi Arabia ni Ukrainian President Volodymyr Zelenskyy tapno isayangkat iti pannakabagi ti Estados Unidos ken Russia maipapan iti kinakappia.
Naammoan a sakbay ti panagtaripnong ket nakasaritana pay laeng nga umuna ni Zelensky da Deputy Governor of Makkah Region Prince Saud bin Mishal bin Abdulaziz ken Crown Prince Mohammed bin Salman.
Idauloan met ni United States Secretary of State Mark Rubio ken United States National Security Adviser Mike Waltz ti pannakabagi ti Estados Unidos para iti nasao a banag.
Immunan nga inrakurak ni Rubio a napateg ti nalawag a gagem ti Ukraine tapno naan-anay a magun-od ti kinakappia iti nagbaetanda iti Russia.
Maipalagip a nagbalin a nabara ti panagsinnungbat iti panagbisita ni Zelensky idiay Estados Unidos idi nagginnurada ken ni United States President Donald Trump a nagresulta iti pannakakanselar ti tulong militar ken intelligence sharing-da iti Ukraine.
