LAOAG CITY – Nagpanawagan ni Ukrainian president Volodymyr Zelensky iti nadagdagsen nga international sanctions kontra iti Russia kalpasan ti nadara nga iraraot da iti Kyiv a nakatayan ti 31 a tattao.
Segun ken ni Zelensky, karaman kadagiti natay ket lima nga ubbing a ti kaubingan ket agtawen laeng ti dua.
Inbatad pay ni Zelensky a malaksid kadagiti natay ket adda pay ti 159 a sabsabali dagiti nasugatan iti insidente.
Gapu iti napasamak a panagraot ket narpuug ti maysa nga apartment, ken nadadael ti maysa nga ospital, pagadalan, nursery ken unibersidad.
