LAOAG CITY – Nagipabanto ti baro nga apela ni Ukrainian President Volodymyr Zelensky para iti ad-adu pay a long-range weapons ken air defences kalpasan ti missile missile attack, rasona a nakatayan dagiti 7 nga indibidual pakairamanan ti dua nga ubbing.
Segun kadagiti opisial ti Ukrainian, immatake ti Russia iti ili ti Vilniansk, asideg ti southeastern city ti Zaporizhzhia, a nakadangran ti 31 nga indibidual.
Mainaig iti daytoy, agdagup ti saan a kumurang 11 nga indibidual ti natay ken 37 ti nadangran iti missile attacks iti Ukraine.
Naiparuk-at dagiti imahe manipud iti Vilniansk a mangipakpakita kadagiti dadakkel a crater nga asideg kadagiti pasdek, ken kasta met ti sumagmamano a bangkay.
Inbatad ni Ukraine’s Prosecutor General Andriy Kostin a dua a missiles ti bimmagsak iti nadakamat nga ili no sadinno a nadadael dagiti sumagmamano nga imprastruktura, ken residential buildings.
Nupay kasta, pinabasol ti Ukraine ti pannakapukaw dagiti biag ken dagiti Russian territorial idinto a nagpannawagan ni Ukrainian President Zelensky iti ad-adu a suporta tapno mangabak iti gubat.
