LAOAG CITY – Inakusaran ni Ukraine President Volodymyr Zelensky ti Russia a namin-ado a daraas a pinuntirya da ti nagluganan na nga eroplano.
Linagip ni Zelensky ti napasamak idiay Moldova no sadinno nga adda iti lugar ti presidential jet na ket nangiyuswat pay ti drone attack ti Russia iti nasao a pagilian.
Kuna na nga idi agsubli da iti Ukraine ket saan latta a nagsardeng ti Russia iti panagatake iti eroplano ti Ukrainian President.
Immunan nga inbatad ni Norweigan Prime Minister Jonas Gahr a dandani natamaan ti eroplano ni Zelenskyy ti drone kabayatan nga adda iti airspace ti Moldova.
Agturong iti dayta a gundaway ti Ukraine president iti Oslo, Norway idi napasamak ti panagatake.
Awan met ti nadangran kadagiti miyembro ti presidential delegations no sadinno nga amin da ket natalged.
