LAOAG CITY – Naminsan manen a nagpanawagan ni Ukrainian President Volodymyr Zelenskyy kadagiti kaalyado a pagilian nga iyalisto ti panangipatulodda kadagiti armas kadakuada.
Kagiddan daytoy iti napasamak a missile strike ti Russia iti ili ti Vilniansk iti akin-abagatan ti Zaporizhzhia region a nakatayan dagiti pito a tattao pakairamanan dagiti ubbing ken nakasugatan dagiti 31 a dadduma pay.
Inbatadna a napateg nga iyalisto ti panangipaay dagiti armas gapu iti umig-iget a panangraut ti Russia iti Ukraine.
Iti kaudian a panangraut ket nagibati ti dakkel a pannakadadael dagiti sumagmamano a pasdek ken pagtaengan.
Maipalagip a namin-adu a daras a nagpanawagan ni Ukrainian President Zelenskyy kadagiti kaalyadona a pagilian a mangited dagiti armas.
