LAOAG CITY – Inpakaammo ni Bombo International News Correspondent Joy Fernandez iti pagilian a Ukraine a nagtalinaed a natalna ken kalmado dagiti residente iti nasao a pagilian.
Daytoy ket iti laksid nga adda dagiti pammallaag a posible a raoten ti Russia ti lugar.
Segun ken ni Fernandez, arig a normal laeng iti kada aldaw idiay Ukraine ken saan a marikna ti tensyon iti border iti rehiyon.
Mainaig iti daytoy, kuna ni Fernandez a dagiti pada na a Pilipino ti kangrunaan a makarikna ti amak iti sitwasyon.
Nu pay kasta, aniaman nga oras ken nu kumaro ti sitwasyon iti Ukraine ket nakasagana dagiti Pilipino a maibakwit.
Inbatad na a linawas nga ada ti koordinasyon da iti embahada ti Pilipinas idiay Poland ken Prague.
