LAOAG CITY – Kinumpirmran ni Barangay Chairwoman Maria Louisa Pascua idiay Barangay Nagbacalan iti ili ti Paoay nga adda ti naparti a baka iti lugar da.
Immuna iti daytoy, nagpukaw ti baka a taraken ni Loreto Tabili iti nasao a barangay ken nakita da laengen itay bigat a napartin ti dingwen.
Segun kenn Pascua, idi nadiskubre ti baka ket nakabitin ti ulo na, nawakwakan ken ti laeng lalaem na ti naibati.
Mamati ni Pascua a datin nga aramid ti suspek ti agparti kadagiti baka gapo ta saan a nagkaiwara ti pannakaparti ti nasao a dingwen.
Naamoan a ti baka ket tallo wenno uppat a bulan a masikog ken alisto a maala gapo ta naamo daytoy kadagiti tattao.
Kunana a saan nga alisto a makita ti nakapartyan ti baka, ken adda ti dalan dagiti tattao iti lugar.
Innayon ni Pascua a saan laeng a daytoy ti ummuna a gundaway nga adda ti napasamak a panagparti ti taraken a baka.
