LAOAG CITY – Maysa a masikog manipud idiay Los Angeles, California ti nagpanunot kalpasan a nakita iti ultrasound ti anak nga arig karuprupana ni president-elect ti Estados Unidos a ni Donald Trump.
Dagiti agasawa ket magagaran iti umuna nga anakda ket nangiburay dagiti ultrasound scan iti pamiliada a dagus a naripar ti biyenanda ti naidumduma a karuprupana ti baby ket ni Trump manipud iti sukog ti rupa, buok agingga iti ekspresyon.
Dagus a nagbalin a tampok iti online ti ladawan kalpasan a nai-post ti ama iti Reddit. Nakaawat met ti rinibu a reaksion ken makaay-ayo a komento.
Iti baet kadagiti ang-angaw iti ultrasound photo ti baby-da, nagtalinaed a naragsak dagiti agasawa a maiburay ti espesyal a kapadasanda kabayatan ti panagsagsaganada iti isasangbay ti anakda.
