LAOAG CITY – Agtultuloy ti imbestigasyon ti Bureau of Fire Protections iti pannakauram ti maysa nga establisimiento iti Barangay Garreta iti ili ti Badoc.
Daytoy ti inbatad ni Deputy Fire marshall Joel Raval iti ili ti Badoc.
Segun ken ni Raval, ti agtagikua ti nasao nga establisimiento ket ni Editha Constantino a residente ditoy ciudad ti Laoag.
Kuna na pay nga adda dagiti tallo a negosyante nga agrenrenta iti nasao nga establisimiento nga isuda Emma Baldovi, Flordelina Batallones ken ni Lorna Calaycay.
Inpakaammo ni Raval a basar iti inisyal nga imbestigasyon da ket mapatta-patta nga umabot iti 500 a ribo a pisos ti balor dagiti nadadael.
Agpapan maisursurat daytoy a damag ket saan pay a masinunuo ti Bureau of Fire Protection no ania ti namonganayan iti uram.
