LAOAG CITY – Umabot iti 100 a tattao ti natay kalpasan a natamaan ti air strike ti drug treatment centre iti ciudad ti Kabul idiay Afghanistan.
Itudtudo ti Taliban government ti Pakistan nga adda iti likudan ti panagatake, ngem naglikudan daytoy ti nadakamat a pagilian.
Inpetteng ti Pakistan a saan da a punpuntiryaen ti aniaman nga health facility no di ket dagiti laeng military base ken terrorist infrastructure iti Kabul ken iti daya ti probinsya ti Nangahar.
Malaksid kadagiti natay ket ado pay dagiti nasugatan nga indibidual iti napasamak a panagatake.
Basar iti report, adda ti agarop 2 ribo a tattao ti maag-agasan iti pasilidad no sadinno a ginasut dagiti possible a casualties.
Kabayatanna, inpetteng ni Afghan health ministry spokesman Sharafat Zaman Amarkhail nga awan ti military facilities iti asideg ti rehabilitation centre.
