LAOAG CITY – Inpakaammo ni Ms. Mary Joyce Mendoza, mangidadulo ti Municipal Disaster Risk Reduction Management Office iti ili ti Bacarra nga umaboten iti 110 a pamilia a bukbuklen ti 310 nga indibidual babaen ti naisayangkat a pre-emptive evacuation kas panagsagana iti Bagyo Kristine.
Segun kenkuana, 100 a pamilia ti manipud iti Brgy. Casilian, 7 a pamilia manipud iti Brgy. Cabaruan. 2 a pamilia manipud iti Brgy. Ganagan ken 1 a pamilia manipud iti Brgy. Buyon.
Kinunana nga idi laeng kalman ti Oktubre 23, 2024 ket naibakwit ti 89 a pamilia iti Busan Cultural Center ken Municipal Evacuation Center.
Kabayatanna, inbatad ni Ms. Maridel Tuquib, residente iti ili ti Bacarra a nagbakwit dan sipud ta mabutengda a maulit manen ti napasamak kas iti kallabes a Bagyo Julian.
