LAOAG CITY – Inbatad ni Police Lt. Col. Randy Baoit, ti pannakangiwat ti INPPO a ti IN-C646 a maysa a pulis ket kameng ti Regional Intelligence Unit iti Region 1.
Ni IN-C646 ket residente iti Brgy. 23, Laoag City, adda ti travel history na idiay Ilocos Sur ken La Union ken exposed iti COVID-19 positive idiay La Union.
Segun kenni Baoit, ti pasyente ket immay ditoy probinsya ken idi agsubli idiay La Union ket dimmalan iti swab test kas requirements ken ditoy a positibo ti resulta na.
Inlawlawag na ni IN-C646 ket nakapulapol na dagiti kameng ti PNP-Highway Patrol Group ditoy probinsya.
Umabot met iti 10 a kameng ti PNP ti primary contact ti pasyente ken uppat a pribado a tao.
Iti agdama, kuna ni Baoit a ni IN-646 ket naka-isolate iti maysa nga hotel ditoy ciudad ti Laoag.
