LAOAG CITY – Umabot iti 15 a tattao ti natay idinto a dinosdosena a sabsabali dagiti nasugatan kadagiti inpatungpal nga air strikes ti Russia iti ciudad ti Kyiv a kabisera ti Ukraine.
Ti nagpatpatnag a panagatake ti maibilang a kadakkelan a
bombardments iti Kyiv sipud nangrugi ti naan-anay a panagraot, addan ti nasurok a tallo a tawen ti napalabas.
Mainaig iti daytoy, kinumpirmaran ni Ukrainian Interior Minister Ihor Klymenko nga adda ti pakabuklan nga 440 a drones ken 32 a missiles ti naipabanto iti nadakamat a pagilian.
Kabayatanna, adda met ti nasaed ken nadadael ti Russian Air Defense Units a 147 nga Ukrainian drones iti nagpatnag.
Naamoan a ti strikes iti Kyiv ket nagpaot ti nasurok a siyam nga oras.
