LAOAG CITY – Umabot iti 150 a tattao ti mapagam-amkan a natay iti napasamak a massacre iti village iti central Sudan.
Basar iti report, karaman kadagiti natay iti napasamak a massacre ket ti 35 nga ubbing.
Malaksid kadagiti natay ket adda pay ti 20 a sabsabali a nasugatan iti insidente.
Maak-akusaran ti Rapid Support Forces (RSF) a responsable iti napasamak a massacre, ngem agpapan ita ket awan pay ti komento ti nasao a grupo.
Mainaig iti daytoy, kinondenar ni United Kingdom Foreign Secretary David Cameron ti pannakapapatay dagiti inosente a tattao ken inpetteng na a masapol a mapatawan ti maiyannatop a pannusa dagiti responsable iti daytoy.
