LAOAG CITY – Nagturong ni Governor Cecilia Araneta Marcos ken dadduma a kameng ti Sang Panlalawigan iti ili ti Piddig tapno personal a mapan agibunong ti tulong pinansyal ken food packs.
Segun ken ni Mayor Georgina Guillen iti ili ti Piddig, dagiti nasao a tulong ket naipaay kadagiti tricycle drivers manipod iti ili ti Piddig, Solsona ken Marcos.
Kuna na nga umabot iti sumuruk-kumurang a 1,500 nga indibidual ti nabenepisyaran.
Kabayatanna, basar iti pannakisarita ti newsteam ti Bombo Radyo Laoag kadagiti sumagmamano a tricycle driver ket umabot ti 3 ribo a pisos ti naawat da a tulong pinansyal nga ibilang da a dakkel a tulong para kadakuada.
