LAOAG CITY – Umabot iti 15 a ribo agingga iti 16 a ribo a tattao ti maap-apektaran ti covid-10 omicron variant iti kada aldaw idiay Austria.
Daytoy ti report ni Bombo International Correspondet Mrs. Marjorie Guidangen-Akistoy, agpapaay iti maysa nga ospital iti Austria.
Nupay kasta, kuna ni Akistoy a dagiti makapkaptan ti omicron variant idiay Austria a kompleton ti bakuna na kontra iti covid-19 ket mild laeng ti marikrikna da a sintomas.
Innayon na a dagiti saan pay a nabakunaan ti covid-19 vaccine ket isuda dagiti nakaro ti paspasaren na a sintomas no sadinno a kasapulan da pay ti mapakatan ti ma-oxygen.
Gapu iti daytoy, inpakaammo ni Akistoy a mangrugi intono Pebrero 1 ita a tawen ket ipatungpal ton ti gobierno ti Austria ti mandatory vaccination.
Segun pay kenkuana, manipod iti 8.9-milyon a populasyon iti Austria ket nasuruken a 7.6-milyon a populasyon ti nabakunaan ti covid-19 vaccine isut gapuna nga adda pay ti 30 a porsiento ti saan a nabakunaan.
Mainaig iti daytoy, kuna ni Akistoy a dagiti agtultuloy latta nga agkedked nga agpabakuna ket mamulta manipud iti 600 agingga iti 3,600 euros.
