LAOAG CITY – Umabot iti 18 a tattao ti natay manipod iti 74 a napasamak a desgrasya ditoy probinsya sipud enero agingga ita bolan.
Daytoy ti inbatad ni Police Major Jephre Taccad, ti pannakangiwat iti Ilocos Norte Police Provincial Office (INPPO).
Segun ken ni Taccad, kaadoan kadagiti biktima ket ciudad ti Laoag.
Inlawlawag ni Taccad a basar iti datos da, manipod iti 74 a desgrasya a napasamak ditoy probinsya ket 54 ditoy ti maibilang a self-vehicular accident.
Innayon na a kaadoan kadagiti biktima ket nakumpirmaran a nakainom ti nasanger kabayatan ti panagmaneho da.
Gapu iti daytoy, inbalakad ni Taccad a no agmaneho ti aniaman ti klase na a behikulo ket liklikan ti uminom ti arak tapno maliklikan ti desgrasya.
