LAOAG CITY – Inlawlawag ti maysa nga eksperto a ti sakit nga scoliosis ket saan a nga usto a postura wenno sideward abnormality wenno sideward deviation ti vertebral column.
Segun ken ni Doctor Denis Ngo, mapatta-patta a 2-3 a porsiento ti populasyon iti intero a lubong iti addaan ti scoliosis nga addaan ti sintomas.
Kunana a masansan a maobserbaran kadagiti agtawen ti 10 agingga iti 18 no sadinno a mangrugi nga agtingig ti duri ken masansan a maaddaan ti nasao a sakit dagiti babbai.
Maobserbaran pay nga addaan ti sakit nga scoliosis ti maysa a tao no saan a patas dagiti luppo wenno abaga na.
Innayon ni Doctor Ngo a napateg a mapan agpachecp-up a dagus tapno maagasan a dagus ti sagsagabaen a sakit gapu ta no mabaybay-an ket mabalin a mangitunda ti problema iti postura, panagtakder ken panagkurba ti duri.
Mainaig iti daytoy, kuna pay ni Ngo a mabalin a ti sakit ket agbalin a genetic a no adda daytoy iti pamilya ket adda ti posibilidad na a maipasa iti sumaruno nga henerasyon.
Ti kritikal a deviation dagiti tattao nga addaan ti scoliosis ket no umaboten iti 40 agingga iti 50 degrees ti curvature ti spinal column.
