LAOAG CITY – Umabot iti 20 a tattao ti natay kalpasan a simmabog ti fireworks factory iti Central Thailand.
Segun iti maysa a rescue worker a nagresponde iti uram, narigatan da a nangbilang kadagiti tattao a pimmusay gapu ta nagsisina ti bagi dagiti biktima.
Inbatad ti national disaster agency nga agtultuloy ti maiyus-uswat nga imbestigasyon tapno maamoan no ania ti nangitunda iti panagbettak ti nasao a pabrika.
Naamoan a nangato ti demand iti paputok iti agdama gapu iti mapaspasangasangan a Chinese New Year.
Kinumpirmaran met ti National Police Chief ti Thailand a naaddaanen ti panagbettak iti isu metlaeng a pabrika idi Nobyembre 2022 no sadinno a maysa a mangmangged ti pimmusay idinto a tallo a sabsabali ti nakana a nasugatan.
Saanen a baro idiay Thailand dagiti insidente a pakainaigan dagiti pabrika ti paputok.
