LAOAG CITY – Umabot iti 26 a tattao ti natay kalpasan a nauram ti coal company iti northern China.
Malaksid kadagiti natay ket adda pay ti 38 a sabsabali a nasugatan iti pannakauram ti uppat a kadsaaran a Yongju Coal Industry Joint Building.
Ti nasao a kompanya ti maibilang kas top coal-producing hub iti Shanxi.
Addan metten ti pito nga indibidual a temporaryo a nagtalinaed iti kustodyar dagiti otoridad para iti pannakaimbestigar da iti nasao a pasamak.
Mainaig iti daytoy, inbilin ni Chinese President Xi Jinping kadagiti otoridad a siguradwen ti kinatalged iti lugar tapno maliklikan ti sabali manen nga insidente.
Ni President Xi ket adda iti agdama idiay Estados Unidos.
