LAOAG CITY – Inpasingked ni Major Roxanne Parado, ti provinical director iti provinicial BFP ken mangidadaulo ti contact tracing team ditoy probinsya nga agtultuloy nga adda dagiti nakabantay a contact tracers.
Daytoy ket iti laksid a bimmaban ti kaso ti covid-19 ditoy probinsya.
Segun ken ni Parado, nagtalinaed nga umabot iti 2,709 ti pakabuklan a bilang dagiti agdama a contact tracers ditoy probinsya.
Inbatad na a manipod iti nasao a bilang ket 100 dagiti agserserbi babaen iti DILG, 148 iti DOLE, 57 iti PNP, 34 iti BFP ken 146 kadagiti RHUs.
Malaksid iti daytoy, kuna na a dakkel a nayun iti bilang dagiti contact tracers ti 2,200 a barangay contact tracers.
Kabayatanna, inpakaammo ni Parado a dagiti contact tracers a na-hire babaen iti DILG ken DOLE idia Oktubre ket agngudo ti kontrata da intuno Oktubre.
Kuna na a kadagitoy a gundaway ket awan pay ti direktiba nu mai-renew dagitoy wenno saan.
Immunan ng inpakaammo ni Parado a gapu iti nangato a bilang dagiti contact tracers ket al-alisto a naduktalan dagiti posible a nakapulpulapol dagiti nagpositibo iti covid-19 iti kallabes.
Kuna na a naartapan pay ti probinsya ti 1:800 a ratio ti World Health Organization gapu ta adda ti 1:228 a contact tracers ditoy Ilocos Norte.
