LAOAG CITY – Umabot iti 30 a Palestinians ti natay kalpasan a nagpalto-paltog dagiti soldado ti Israel kabayatan ti panagur-uray da ti tulong iti Northern Gaza.
Basar iti Hamas-run civil Defense agency, malaksid kadagiti natay ket adda pay ti agarop 300 a sabsabali ti nasugatan iti insidente.
Mainaig iti daytoy, inlawlawag ti Israeli Defense Forces a nagpaputok da ti paltog kas “warning shots” kalpasan a nagdudupudop dagiti naruay a tattao iti lawlaw dagiti truck a naglaon kadagiti tulong partikular ti taraon, ngem saanda nga inpagarop nga adda dagiti nagbalin a casualties.
Kabayatanna, kinumpirmaran ni Mohammed Abu Salmiya, director ti al-Shifa Hospital iti Gaza City, a nakaawat ti pasilidad da ti 35 a biktima kalpasan ti insidente.
