LAOAG CITY – Umabot iti 32 a tattao ti natay idinto a dinosdosena a sabsabali dagiti nasugatan iti panagdidinnungpar ti sumagmamano a behikulo idiay Ehipto.
Inbatad ti Health Ministry a napasamak ti insidente iti Beheira governorate on the Cairo-Alexandria road, 131 a kilometro ti kaadayo na manipod iti amyanan a paset ti Cairo a kabisera ti Ehipto.
Kinumpirmaran ti Health Ministry nga umabot iti 63 a tattao dagiti nasugatan.
Basar iti report, dagiti karaman iti insidente ket pampasahero a bus ken sumagmamao a behikulo no sadinno a kaadoan kadagitoy ket nauram.
Naamoan nga ado kadagiti pimmusay ket nagsagaba ti nakaro a pannakauram ti bagida.
Mainaig iti daytoy, inpakaammo ni Health minister Dr Khaled Abdel Ghaffar a dagiti sumagmamano a nasugatan ket naiyakar da iti ospital iti Wadi al-Natrun, idinto a dagiti dadduma ket naipan iti Al-Nubaria.
Ti panagdidinnungpar dagiti behikulo idiay Ehipto ket naipagagangay laengen a pasamak gapu iti poor condition dagiti kalsada ken saan a masursurot ti highway code.
