LAOAG CITY – Umabot iti 39 a tattao ti natay kalpasan a nagdinnungpar ti dua a ti tren idiay Spain.
Basar iti report, nadiskaril ti tren nga agturong iti Madrid isut gapuna a naipan iti bangir a riles a nagresulta iti panagdinnungpar da iti sumungad a tren iti Adamuz.
Naamoan a kaadoan kadagiti natay ken nasugatan ket nakapwesto da iti sango.
Inpakaammo ti Rail company Iryo a ti Madrid train ket naaramid laeng idi 2022, ken nainspeksyon laeng daytoy, uppat nga aldaw paylaeng ti napalabas.
