LAOAG CITY – Naiget ti pannakikoordinar ti Estados Unidos iti Israel kalpasan ti pannakatay ti nasurok nga 40 a tattao iti airstrike ti Israel iti maysa a pagadalan iti central Gaza.
Segun ken ni State Department spokesperson Matthew Miller, iyur-uray da ti palawag ti Israel iti insidente.
Ti nasao a pagadalan ket imatmaton ti United Nations agency for Palestinian refugees a pagnanaedan dagiti displaced people iti Nuseirat refugee camp.
Immunan nga inkalintegan ti Israel a ti nasao a pagadalan ket paglimlimmengan dagiti Hamas Militant isut gapuna a nangiyuswat da ti airstrike.
Mainaig iti daytoy, naiget a kinondenar ni United Nations (UN) Secretary-General Antonio Guterres ti inyuswat nga airstrike ti Israel iti nasao a pagadalan iti Gaza Strip.
