LAOAG CITY – Umabot iti nasurok nga 40 a tattao ti natay kalpasan a naglepyas ti dam idiay Kenya gapu iti nagsasaruno nga aldaw a pinagtudtudo na ti napigsa a nangitunda ti layos.
Naamoan nga arigna gagangay laeng a banag a naiyanud dagiti balay ken nadadael dagiti kalsada kangrunaan na iti Kamuchiri village iti western Kenya.
Mainaig iti daytoy, kinumpirmaran ni Nakuru county governor Susan Kihika nga 42 nga indibidual ti kumpirmado a natay gapu iti kalamidad.
Malaksi kadagiti natay ket saan pay a masinunuo ti bilang dagiti nagtalinaed a mapukpukaw gapu iti mapaspasamak a layos iti nadakamat a lugar.
Maipalagip nga iti napalabas laeng a bolan ket nasurok a 100 a tattao ti natay gapu iti nalawa a layos a nangtupar iti sumagmamano a paset ti Kenya.
