LAOAG CITY – Kinumpirmaran ti Hamas-run health ministry iti Gaza nga umabot iti 436 a tattao ti natay iti napalabas a 24 nga oras iti agtultuloy nga air strikes ti Israel.
Immunan nga inrakurak ti Israel nga umabot iti 320 nga imprastraktura ti Hamas pakairamanan dagiti tunnels ti puntirya da a tamaan iti kada aldaw.
Nangiyuswat payen ti Israel ti limitado a ground raids iti Gaza tapno makaala ti impormasyon iti ayan dagiti hostages ti Hamas.
Mainaigiti daytoy, inpetteng ti United Nations agency for Palestinian refugees a ti sitwasyon iti southern Gaza ket delikado gapu ta ado dagiti sibilyan nga agsubsubli iti North Gaza kalpasan a nabilin dagitoy nga agbakwit iti South Gaza babaen iti Israel.
