LAOAG CITY – Inbatad ti United Nations Human Rights Office nga umabot iti 47 nga indibidual ti nasugatan iti Gaza kalpasan a nagdudupudop dagiti naruay a tattao kabayatan ti pannakaibunong dagiti taraon babaen iti grupo a supsuportaran ti Estados Unidos ken Israel.
Basar iti report, agkalkalap paylaeng ti United Nations ti ad-ado nga impormasyon mainaig iti napasamak ngem kaadoan kadagiti nasugatan ket gapu iti tama ti paltog a maipagarop a naggapo iti Israel Defense Forces.
Mainaig iti daytoy, inpalgak ti Gaza Hamas-run health ministry a maysa nga indibidual ti natay idinto nga 48 a sabsabali dagiti nasugatan.
Iti agdama ket manarimaan ti panangberipikar ti Israel Defense Forces iti nasao a report.
Immunan nga inrakurak ti pannakangiwat ti tropa ti Israel a a naipaturong iti ngato dagiti “warning shots” ken ruwar daytoyen iti Gaza Humanitarian Foundation’s site iti abagatan a paset ti ciudad ti Rafah ken saan da nga inpaturong a mismo kadagiti tattao.
Maipalagip a nagballaag ti United Nations nga umabot iti 2.1 milyon a tattao ti sumangsango ti nakaro a panagbisin kalpasan ti agarop tallo a bolan a saan a panangipalubos ti Israel a maiserrek dagiti tulong kangrunaan na ti taraon iti Gaza.
