LAOAG CITY – Umabot iti 48 a Palestinian ti natay iti nagsasaruno nga air strikes ti Israel iti northern Gaza.
Basar iti report, karaman kadagiti natay ket ti 22 nga ubbing ken 15 a babbai.
Naamoan a karaman kadagiti natamaan dagiti inpabanto nga air strikes ti Israel ket dagiti pagtaengan iti ili ti Jabalia ken ti refugee camp.
Gapu iti daytoy, nagballaag ti Israeli military kadagiti residente iti Jabalia ken kadagiti kaparanget a lugar nga agbakwit da paylaeng kalpasan a nangipabanto ti Palestinian armed group ti rockets iti Israel.
