LAOAG CITY – Nangiyuswat ti Philippine National Police (PNP) ti Outreach program iti Barangay Cacafean iti ili ti Marcos.
Segun ken ni Police Capt. Mark Archie M. Aguilar, Acting Company Commander iti 101st Regional Mobile Force Battalion Company, malaksid iti pannagiyuswat da ti supplemental feedings ket nagibunong da pay kadagiti school supplies ken libre a panagpukis a para kadagiti estudyante iti nasao a barangay.
Inlawlawag na nga umabot iti 50 nga estudyante dagiti nabenepisyaran iti nasao a programa.
Kuna pay ni Aguilar a malaksid kadagiti ubbing ket adda met ti isaysayangkat da a programa para kadagiti nataengan.
Inpasingked na nga agtultuloy daytoy a programa da gapu ta isu ti maysa nga ammo da a wagas tapno maisubli ti kinasayaat kadakuada ti gobierno ken ad-adda pay a maiyasideg da iti komunidad.
Immuna-una iti daytoy, napan nagibunong ti grupo ni Mayor Antonio Mariano ti food packs kadagiti residente iti metlaeng nadakamat a barangay no sadinno a karaman a nabenepisyaran ket dati a kameng ti rebelde a grupo.
Iti pananginterview ti Bombo Radyo Laoag iti saanen a nabigbig a dati a kameng ti makattigid a grupo ket inbatd na a saan nga agbabawi iti panagsubli na iti salinong ti gobierno gapu kadagiti maipapaay kadakuada a tulong tapno agbiag da a normal ken addan ti “peace of mind” na.
