LAOAG CITY – Umabot iti 54 a bangkay ti narekobre dagiti otoridad kalpasan a naarinebneb ti nagluganan da a bangka ti baybay a sakopen ti Nigeria.
Naamoan a ti bangka ket addaan ti nasurok a 200 a pasahero nga aggapo iti Kogi state iti Central Nigeria ken agturong da koma iti kaparanget a Niger State para iti weekly market idi napasamak ti insidente.
Basar iti report, 24 kadagiti pasahero ti naisalakan dagiti otoridad ken manarimaan da a maag-agasan iti ospital.
Malaksid kadagiti natay ket dinosdosena a sabsabali dagiti nagtalinaed a mapukpukaw.
